Marrazketa egitea naturari behatzeko eta hari buruz ikasteko modu liluragarria da; eta, aldi berean, natura artea maite dutenen inspirazio-iturri izan da eta izango da beti.

Ilustrazio zientifikoa zientzia azaltzen duten marrazkiak sortzeaz arduratzen den diziplina da. Diziplina honek zientziaren arlo guztiak hartzen ditu, eta funtsezko tresna da zientziak aurrera egiteko eta gizartean kultura zientifiko handiagoa lortzeko.

Horrela, asteburuan zientzia eta ilustrazioari buruzko oinarrizko nozioak azaltzeko tailerra egin da. Ilustraziorako sarrera txiki bat egin da: zer den eta zertarako balio duen, eta, ondoren, tinta txinatarraren teknika landu da. Ilustratzeko erabilitako motiboa ugaztunak izan dira. Hiru saio egin dira, eta teknikan sakondu da pixkanaka. Punteatzeko eta marratzeko oinarrizko ariketak egin dira nahi den bolumena lortzeko; ondoren, aurrez tinta txinatarraz egindako marrazkiak kopiatu dira; ondoren, argazkietatik lan egin da, eta, amaitzeko, natura-zientzien museoko bildumako naturalizatuetatik lan egin da. Gainera, teknika tradizionaletan egindako marrazkiak digitalizatzeaz hitz egin da.