Bergarako Aroztegi Aretoan ikusgai izango da Fernando G. Baptista (Bilbo, 1965) infografista ospetsuaren lanen erakusketa. Arte Ederretan lizentziatua Euskal Herriko Unibertsitatean, Baptista freelance ilustratzaile gisa hasi zen lanean, eta ondoren El Correo egunkarian aritu zen. 2007tik, National Geographic Magazine aldizkariko editore seniorra da.
Bere ibilbide profesional bikainak 250 sari baino gehiago ekarri dizkio, tartean Peter Sullivan saria (infografiaren alorreko sari nagusia) eta Emmy sarietarako bi izendapen. 2025ean, SND (Society for News Design) erakundeak munduko diseinatzaile onena izendatu du.
Erakusketan ikusgai daude bere lanik esanguratsuenetako batzuk: “Bikingoak”, “Peruko momia”, “Balea australa”, “Otsoekin bizitzen”, edota “Olagarroen superbodereak”, besteak beste. Maketak, ikus-entzunezkoak eta infografia zientifikoak uztartzen dituen erakusketa honek Baptistaren sormen-prozesua eta ikuspegi bisuala gertutik ezagutzeko aukera ematen du.
Ordutegia:
- Asteartetik ostiralera: 18:00 – 20:30
- Larunbatetan: 12:00 – 14:00 eta 18:00 – 20:30
- Igande eta jaiegunetan: 12:00 – 14:00
