Asteburuan giro oso polita izan da Aranzadiko gimnasioan gauzatutako Wolfram Encounterrean. Parte-hartzea iazko tamainan mantendu da, eta batez ere gazteak aritu badira ere, denetarik izan da; baita Madriletik, Iruñeatik eta Donostiatik etorritakorik ere.

Larunbat iluntzean Alex Robleñok ‘ALX’ emandako hitzaldiak ere entzule asko izan zituen, eta bitxikeri gisa streaming bidez 124 lagunek ere jarraitu zuten.

Aurten txapelketa gehienak igandera pasa zituzten, eta hala igandea jendetsuagoa izan zen.

Maijoku elkartekoak pozik daude izandako harrerarekin eta datorren urterako hitzaldi gehiago antolatu nahi dituzte.

IRABAZLEAK

• League of Legends-eko irabazleak: ACU + Bronces que nunca
• FIFA-ko txapelduna: Ibai Albisua
• CLash Royale-ko irabazlea: Mikel Larrañaga
• Hearthstone-ko irabazlea: Marcos Paulis

Aurtengo Zientzia Teknologia eta Berrikuntzaren jardunaldiek iazkoaren bidea jarraitu dute, eta are eta emaitza hobeagoekin gainera. Are eta bidelagun gehiago batu dira ekimenera, eta Debagoienetik kanpo ere hizlari, parte-hartzaile eta entzule asko erakarri ditu. Hala, Euskal Herri mailako eta Espainiako Estatuan zientzian eta berrikuntzan erreferente diren hainbat erakunde eta eragile alboan izan dira. Eta elkarlan horrek guztiak oso emaitza esanguratsuak eman ditu. Herritarrek eta kanpotarrek ederto erantzun dute.

Gainera, aurtengo jardunaldien baitan Bergarak zientziaz jantzitako herria dela erakusten duen izendapen garrantzitsuenetakoa jaso du: Bergara Historic Site, wolframioaren aurkikuntza eta isolamendua gauzatu izanagatik. Lorpen horretan bidelagun izan du Bergarak Donostia International Physics Center erreferentziazko gunea. Eta Bergarak erakusten du zientzia mimatzen eta merezitako balorea ematen jarraitzen duela.

Edizio hau urriaren 15ean hasi eta azaroaren 12an bukatu da; eta inoiz baino ekintza gehiago antolatu dira. 12 hitzaldi, lehiaketak, antzezlanak, azoka, erakusketa eta dagoeneko ohikoak bilakatu diren Wolfram Deuna bakarrizketa saioa eta Wolfram Encounter topaketa, besteak beste. Horrez gain, hezkuntzara bideratutako eskaintza zabala ere izan da: Nanoteknologia tailerra, Tramankulu mekanikoen erakusketa eta Pieza gonbidatua, besteak beste.

Hezkuntza eskaintzan apustu nabarmena egin da aurten ekitaldiak biderkatuz eta datak aldatuta ikasleen parte-hartzea erraztuz. Eta horren emaitza arrakastatsua izan da. Bestelako ekintzei dagokionez, iaz baino parte-hartze handiagoa izan da.

Berrikuntzei dagokionez, hezkuntzaren inguruko apustuaz gain, aurten ‘Emakume zientzialaririk ezagutzen?´lehiaketa antolatu da lehenengo aldiz, emakumearen papera ere ezagutzera emateko; eta LH6ko 31 ikaslek parte hartu dute, 16 lan aurkeztuz.

Ezin ahaztu, aurten ere kanpotik etortzen diren diziplina anitzetako hizlariez gain, hainbat herritarrek  jardunaldietarako propio hartzen duten lana, beraien jakinduria eta ezagutza zabalduz. Horiei ere eskerrik beroenak.

Bestalde, Wolfram Encounterra dagoeneko egonkortuta dagoela esan dezakegu. Aurtengo edizioan bezala, 100 lagunen bueltan egon da parte-hartzea. Aurten ekintza gehiago pasa dituzte larunbatetik igandera, eta 2019an ere asmo hori dute.

Datorren edizioari begira, aipatzea 2019 Taula periodikoaren urtea izango denez, abiapuntu hori izango dutela jardunaldiek.

30 orduz internetera dohaneko konexioa.

Zure ekipoa montatu, jokatu eta lehiatzeko 48 postu.

Kultura herrikoian daukazun jakituria erakutsi nahi ahal duzu? Parte har ezazu prestatu dugun Frikitestean.

Jokuren baten jaioa al zara? Bota iezaiezu erronka beste partaide edo antolatzaileei bapateko partidatan.

Alex, “Alx” Robleñok eSporten munduaren inguruko hizketaldi bikaina eskeiniko digu.

Gainera, beste ezuztekoren bat ere gordea gaukagu…

Hurrengo estekan eman ahal duzu izena parte hartzeko: http://www.irudinet.com/ztb//wolfram/parte-hartu-nahi-dut/

OMNISek norgehiagoka guztiak stream bidez zuzenean jarraitu ahal izateko kanal bat eskeiniko du hurrengo estekan: https://battlefy.com/omnis

Testu eta ahots bidezko laguntza kanal bat ere beste esteka hontan:

https://discord.gg/f2DCbkZ. (Parte hartzaileok izena eman ahal duzue).

Hua guztia gure eragileei esker!!

ZTB jardunaldien barruan Udalak antolatutako ‘Emakume zientzialaririk ezagutzen?’ lehiaketan 16 lan aurkeztu dira, guztiak Aranzadi Ikastolako ikasleenak. Eta horien artean hauek izan dira irabazleak: lehen saria Malen Aranburu eta Maryam Agyf-ek eskuratu dute; eta bigarren saria Aitor Delgadok. Zorionak guztiei!

Logela Multimedia taldeak ‘Drag-e, uraren bila‘ ikuskizun berezia eraman zuen Seminarixora.

Ikuskizun eder horretan etorkizunean izango den uraren eskasiaren gaineko hausnarketa egiten da antzerkia, dantza, bideo-animazioa, interakzioa eta musikarekin laguntzaz.

Aurreko edizioetan bezala, zientzia aitzakiatzat hartuta, zortzi hizlarik bakarrizketa zientifiko umoretsuak eskaini zituzten ZTB jardunaldien barruan, Elhuyar -eko Alaitz Ochoa de Eribe Aguirreren gidaritzapean.

Pascual Román Polok oso hitzaldi interesgarria egin zuen gure zientzia aurkikuntza garrantzitsuenetakoak izan zituen ezkutuko pasarteei buruz.

Hala nola, Wolframioaren ikerkuntzak espioitzaren atala ere izan zuen barne. Euskaraz ibiltzen zituzten mezu zifratuak, Juan Jose Elhuyar eta beste kide bat aritu zen atzerrian espioi lanetan… Eleberri baterako osagai guztiak ditu gure ikerkuntza pasarte garrantzitsuak.

Ternua enpresako Eduardo Uribesalgok hitzaldi-aurkezpena eskaini zuen Aroztegin.

Hitzaldian ehungintzaren (sare birziklapena) eta tinteen (intxaur birziklapena) berrikuntzari buruz zabal hitz egin zuen, eta baita Bergarak ehungintzan eta tinteetan izan duen erreferentzialtasunari buruz.

Ternua markak nazioarteko proiekzioa dauka eta 50 herrialdetan lan egiten du. 1994tik material birziklatua erabiltzen dute; eta 2006an kotoi organikoekin lanean hasi ziren, pestizida gabe eta ur gutxirekin.

Enpresa honen balioak dira: jasangarritasuna, berrikuntza, artisau izaera, diseinu propioak, mendizaleak, esploratzaileak eta produktuaren garapenean adituak. Astore da kirol eta sentimendu euskalduna.

Murtziako aditu honek elikagaien osagaiei buruz hitz egin zuen: “con”/”sin” elikagaiak, gehigarriak, kimiofobia… Eta argitu zuen “etsai”tzat hartzen ditugun elikadura-osagai batzuen eragin negatiboak dosiaren arabera izaten direla beti.
Oso adibide argiak erabili zituen, izen eta marka ezagun eta guzti: botikak, elikadura-gehigarriak edo elikagaiak.
Publizitate-kanpaina batzuek kontsumo-ohiturei buruz kontsumitzaileengan beldurra sortzea dutela helburu eta horien eragina azaldu zuen.
Produktuetan % 15eko erregelamendua aplikatzea. Erantzule gisa hauek aipatu zituen: enpresa ekoizleak, Europar Batasuna, bertako gobernua –enpresa askok ez dutelako betetzen % 15eko erregelamendua–, komunikabideak, eta guk, kontsumitzaileok.

Hitzaldian 72 lagun izan ziren. Publikoan interes handia sortu zuen eta bukaerako eztabaidan jendeak parte hartu zuen.

Deborah García Bellok ‘La ciencia de mirar el arte contemporáneo‘ hitzaldi eder eta argigarria eskaini zuen.

Oso ikuspegi ezohiko eta interesgarria izan zen, gaur egungo artea ikuspegi zientifikotik aztertzea; eguneroko edozer gauza izan daiteke artea izan zen bere maxima nagusienetako bat.​

22 pertsonek jarraitu zuten bere aurkezpena arreta handiarekin.