Hizlaria : Jorge R. Lopez Benito / Enara Artetxe Gonzalez

CreativiTIC  (MetAClass Academy).

 

Programa

• Metabertsoa eta interneten bilakaera
  • Definizioa eta jatorria
  • Egungo egoera eta panorama teknologikoa
  • AR, VR, XR eta abatarrak

• Web3 eta monetizazioa
  • Kriptoaktiboak eta Kriptozorroak
  • Blockchain, Token eta NFTak
  • Marketplazak, salerosketa

• Enpresa bat metabertsoaren barruan
  • Negozio-aukerak
  • Aplikazio sektorialak eta merkatu-hobiak
  • Produktua eta marka-estrategia (branding) Metabertsoan
  • Posizionamendua, estrategia eta ibilbide-orria (roadmap)
  • Adibideak

• Joerak eta etorkizuna
  • Gogoeta legalak, etikoak eta sozialak
  • Lan-arloan behar diren trebetasun eta abilezia berriak

GAIA: BARNETEGI TEKNOLOGIKOA – METABERTSOA

Jardunaldi honen helburua da Metabertsoaren oinarriak, kontzeptuak, irismen-ahalmena eta aukerak aztertzea; Metabertsoa zer den ulertzea, unibertso birtual berri honen parte diren teknologia konbergenteak ezagutzea eta “internet berri” harrigarri honen negozio-aplikazio berriak zeintzuk izango diren jakitea. Horrela, jardunaldiaren amaieran, publikoa gai izango da estrategia bat diseinatzeko eta bere produktu edo zerbitzu berriak Metabertsoan birtualki aurkezten hasteko.

HELBURUAK:

Baldintzak

Ez da aurretiazko ezagutzarik behar; soil-soilik behar da Metabertsoak enpresa-esparrua nola irauliko duen ikasteko interesa izatea, edota Metabertsorantz hurbiltzeko enpresa-estrategia baten hasiera-plana egiteko interesa.

Gomendatzen dugu nork bere smartphone edo tableta ekartzea, Android sistemaduna; horrela, jardunaldian erakutsiko diren esperientzia guztiak norberak probatu eta ikusi ahal izango ditu.

Norentzat:

Edozein profesional etorri daiteke, sektorea edozein izanda ere, betiere kontzeptu berri hauen hastapenak ezagutu nahi baditu, hau da, Metabertsoak internetera dakarren paradigma berri hau zer den eta horri etekina nola atera diezaiokegun jakin nahi badu, bai eta horrek enpresa edo negozioa sustatzen eta hobetzen nola lagundu dezakeen ere.

Bereziki egokia da teknologiara bideratuta dauden edo erabakiak hartu behar dituzten profilentzat –baita ezagutza teknikorik ez badute ere– baldin eta Metabertso izeneko errealitate berria eratzen duen kontzeptu berriaren ezagutza sendotu nahi badute.

HITZALDI-SORTA : Bergarako Gazte Ikerlariak

Egun, antibiotikoekiko erresistentzia gero eta arazo larriagoa bihurtzen ari da, batez ere bakterio espezie batzuetan. Honek eragin zuzena izan dezake animalietan, landareetan eta baita gizakian ere. Arazo honen ondorioz, zenbait gaitz sendatzeko duela urte batzuk erabilgarri ziren antibiotikoetako asko gaur egun erabiltezin bihurtu dira, eta antibiotiko berrien garapen urriak arazoa are larriagoa izatea eragiten du. Hori dela‑eta, hitzaldi labur honen helburua da EAEko behi-aziendan gaur egungo egoera nolakoa den azaltzea.

HIZLARIA : Maitane Mujika

CV laburra:

• Ikasketak
  • Biologiako gradua, Euskal Herriko Unibertsitatea (2013-2018)
  • Mikrobiologia eta Osasuna masterra, Euskal Herriko Unibertsitatea (2018-2019)
• Lan-esperientzia:
  • Nanoburbuilen inguruko proiektuan lanean Saiolan SA enpresan (2019-2020)
  • Ikerketako Teknologoa NEIKER enpresako Animalien Osasuna Sailean (2020-2022)

STREAMING BIDEZ JARRAITZEKO: https://youtu.be/y3zhsUgKHY4​​

HITZALDI-SORTA: Bergarako Gazte Ikerlariak

Uraren erregulazioak eta horretarako sortzen diren urtegiek kalte larriak ekar ditzakete ibaietan eta baita haien inguruko ekosistemetan ere. Ibaien inguruko basoek, esaterako, biodibertsitate oso handia biltzen dute beraien baitan, baina gaur egun ekosistema hauek oso mehatxaturik daude gizakiek eragindako aldaketen ondorioz. Ikerketa honetan aztertzen ari da Itoizko urtegiaren eragina inguruko basoetako landaredian.

HIZLARIA : Irati Sanz

Ikasketak:

• Biologiako gradua, Euskal Herriko Unibertsitatea (2015-2019)
• Biodibertsitateko masterra, Universitat de Barcelona (2020-2021)
• Doktoretza ikaslea Euskal Herriko Unibertsitatean, 2022ko otsailetik.

Lan-esperientzia:

• Delta del Llobregat-eko espazio naturaleko ingurune hezitzailea.
• Fundaesplai izeneko ingurumen enpresan koordinatzailea.

STREAMING BIDEZ JARRAITZEKO: https://youtu.be/y3zhsUgKHY4​​

Hizlariak: Lander Unzueta eta Maitane Junguitu, Game Erauntsia Elkarteko kideak

Gazteei zuzendutako hitzaldi honetan, bideojokoetan euskaraz aritzea posible dela erakutsiko dugu. Hasteko, euskarazko aisialdi‑kontsumoaren inguruko gogoeta planteatuko da, zehazki bideojokoen hizkuntz erabilerari buruz.

 

Jarraian, euskarazko bideojokoen erronkak aztertuko dira. Hain zuzen ere, euskarazko bideojokoen eskaintzari buruzko gogoeta egingo da, industriaren eta kontsumitzaileen egoera soziolinguistikoan sakonduz. Bizi dugun elebitasunak sortutako egoera bat izanik, euskaraz bideojokoak izatea ez ezik, erdaraz dauden bideojokoen erabilpena euskaraz egin daitekeela azalduko da.

 

Bukatzeko, Game Erauntsia euskal bideojokozaleen elkartea ezagutu ahal izango da. Elkartearen helburuak aurkezteaz gain, honek euskal bideojokozale komunitatearentzat eskaintzen dituen espazio eta baliabideak aipatuko dira, besteak beste, euskaraz bideojokoei buruz informatzeko aukera, gameplay biltegia, beste bideojokalariekin harremanetan jartzeko Discord kanala, Telegram taldea eta bideojokoak euskaratzen dituzten zaleen sarea.

Hitzaldia amaitutakoan eskuorri batzuk entregatuko dira, parte hartzaileek nahi izanez gero jasotzeko. Hauetan euskarazko bideojokoen zerrenda eskainiko da eta elkartearen informazioa.

Hizlaria :  Ander Aranburu – LAZPIUR enpresako zuzendari exekutiboa (CEO)

• 5 urte Gorla Auto Group-eko zuzendari komertziala.
• 10 urte Gorla Auto Group-eko zuzendari nagusia.
• 4 urte Lazpiur enpresako CEO.

GAIA: Elektromobilitatea  automazioan (EV – Electric Vehicle)

Merkatuak eskaintzen dituen auto elektriko eta elektrifikatuen ezaugarriak.

Motore elektrikoen teknologia desberdinak.

Bateria elektrikoen konposaketa eta ezaugarriak.

Powertrain periferikoak. OBC, Inverter, BMS, VDU.

Lazpiurren estrategia elektromobilitatean.

Hitzaldi-tailerra:

Ekitaldian aurkeztuko dira zer nolako aukerak eskaintzen dituzten hizketa ezagutzako eta sintesiko teknologiek, ahotsa testu eta testua ahots bihurtzeko, eta Elhuyarrek euskararentzat egindako tresnetan zentratuko gara. Adimen artifizialarekin garatutako baliabide hauek Debagoieneko enpresen eskura daude dagoeneko. Ekitaldian kasu praktiko bat azalduko da, Elhuyarrek Goienarentzat landutakoa, bertako euskalkia kontuan hartzen duena. Tailerrean adibide praktikoak erakutsiko dira eta zuzenean probak egingo dira.

Hizlariak-gidariak:

• Igor Leturia Azkarate. Hizkuntza teknologietan doktorea, Elhuyar Fundazioko Hizketa Teknologien arloko arduraduna da.
• Iban Arantzabal Arrieta. Goienako zuzendari nagusia.

Hizlariak : Eder Etxebarria eta Cecilia Bayo.

Eder Etxebarria Rojo, sortzez bilbotarra, Urruñan bizi da eta Baionako Etxepare lizeoko irakaslea da. Ekonomista da formazioz eta, 10 urtez banku-sektorean lanean aritu ondoren, duela 4 urte irakaskuntzara egin zuen jauzia. Pandemiak Linux ezagutzeko parada eman zion eta ordutik software librearen maitale sutsua bilakatu da. Aurtengo otsailean “Txikilinux XiLaBa” proiektua garatu du Donibane Lohizuneko ikastolan.

 

Cecilia Bayo Xnet kolektiboarekin lan egiten duen guraso‑sareko kide da. Kolektibo honek datuen pribatutasuna eta hezkuntzaren digitalizazio demokratikoa lantzen ditu eta proiektu pilotu bat garatu dute gizarte zibil antolatuaren ekimenetik abiatuta.

Hezkuntzaren digitalizazio demokratikoa? Kataluniako DD esperientzia eta Donibaneko Txikilinux esperientzia

Hezkuntzan erabiltzen ditugun tresna digitalak ez dira neutroak. Gaur egun korporazio handien tresnak erabiltzen dira batez ere, izan kostu ekonomikorik suposatzen ez dutelako, izan beste arrazoi batzuengatik. Baina posible al da kalitatezko hezkuntza tresna digital libreak erabilita? Horretan ari diren bi esperientzia ezagutuko ditugu. Alde batetik, Bartzelonan garatu eta martxan jarri den Digital Democratic (DD) izeneko esperientzia;  guraso‑talde batek bere seme‑alaben datuak eskolaratzen direnetik Google-ren esku egotearen kezkatik sortutako proiektua da eta Bartzelonako Udalaren laguntzaz Xnet sarearekin batera garatu dute. Eta beste alde batetik, Donibaneko ikastolaren esperientzia ezagutuko dugu, non Txikilinux XiLaBa proiektua martxan jarri duten, haurrak tresna libreetan trebatzeko; ekimen honetan, beste zentro batzuetan baja emandako ordenagailuak berreskuratzen dituzte eta, Heziberri 2020 planaren konpetentziak garatzen lagunduko duten aplikazioez hornitu ondoren, ikasleen eskura jartzen dituzte.

HELBURUAK: Hausnarketarako bideak irekitzea eta eztabaida piztea hezkuntza‑komunitatean erabiltzen diren tresna digitalen inguruan. Erabiltzen duguna ezagutu, tresna libreak erabiltzearen garrantzia azpimarratu eta horrelako esperientzia bat Bergaran martxan jarri daitekeen ikusi.

Egoitz Etxeandia, irakaslea, intraekintzailea, geldirik egon ezina eta saltsa ezberdinetan aritzeari engantxatua.

2021 urteko Espainiako irakasle ekintzaileenaren saria jaso zuen. Enpresa eta negozioen kudeaketan lizentziatua, EHU eta Okzitaniako Tolosako ESC zentroan. Nazioarteko negozioen Masterra, Nevadako Unibertsitatean.

“Teach For All” eta “Globlal Shapers” erakunde sozialetako kide.

HITZALDIA: Egoitz Etxeandia

Garaiak aldatu diren moduan, ikasleak eta hauen ikasteko beharrizanak ere aldatu dira. Ekintzailetasunak eta STEAM-ak ikasteko metodo iraultzaile bat aurrera eramateko aukera eskaintzen digu. Ikasleak ez daude ikastetxeetan matematika, zientziak edo historia ikasteko soilik. Gizartearen arazoen inguruko hausnarketa sakona egin eta irtenbideak proposatzeko gaitasuna ere euren esku dago. Hitzaldi honek testuinguru honetan sortutako zenbait dinamika azaldu eta ikasleak inspiratzeko baliogarri izatea bilatzen du.