Asteartea, uztaila 14, 2020
Espioi  bat  supermerkatuan

NOIZ: Urriak 24

ORDUA: 19:00
NON:
Irizar jauregia

PUBLIKOA: Orokorra + kirola + elikadura

HIZKUNTZA: GAZTELERA

Espioi bat supermerkatuan

Hitzaldian zehar, hizlariak elikaduraren inguruko mito eta iruzur asko argituko ditu. Gainera, hainbat tresna emango dizkigu supermerkatuan erosketa osasungarriagoak, arduratsuagoak eta merkeagoak egin ahal izateko. Amaitzeko, zehaztuko du elikaduraren inguruan dagoen anabasa hau nagusiki zeintzuek eragiten duten, eta urgentziaz hartu beharreko hainbat ekintza proposatuko ditu, kontsumitzailea supermerkatura lasai joan dadin, iruzurra jasateko beldurrik gabe.

NORK: Jose Manuel Lopez Nicolas

Biokimika eta Biologia Molekularreko irakasle titularra naiz, Murtziako Unibertsitatean. Kultura Zientifikoko koordinatzailea, unibertsitate berean.

1994an argitaratu nuen nire lehen ikerketa-artikulua aldizkari zientifiko espezializatu batean eta, harrezkero, nire ibilbide profesionala biokimikan, nutrizioan edo bioteknologian aurkipen berriak egitera bideratu dut; aurkipen horietatik asko aldizkari zientifiko ospetsuenetan argitaratu dira.

Baina, urteak aurrera joan ahala, konturatu naiz horrelako argitalpen zientifikoak zeharo beharrezkoak izanda ere, neurri bereko garrantzia duela zientzia era ulergarrian zabaltzeak mota guztietako publikoentzat.

Horregatik, 2005. urtean nire lehen liburua idatzi nuen, Nuevos alimentos del siglo XXI; eta 2011. urtean dibulgazio zientifikorako bloga hasi nuen, SCIENTIA. Nire blog honek hainbat sari lortu ditu: Tesla saria 2013an; Bitácoras saria, 2013an, Zientziako Blog Onenari; 20 Blog Saria, 2014an, Zientzia, Teknologia eta Interneteko blog onenari; Ohorezko Aipamena Prisma sarietan 2014an; Bioteknologiaren Dibulgazioaren saria, 2014an; ADC Murcia saria, 2015ean; eta La Verdad-eko web onenarentzako saria, 2015ean. 2016an, ASEBIOko epaimahaiaren sari berezia lortu nuen, dibulgazio zientifikoan egin dudan ibilbideagatik.

Lankide naiz, halaber, honako hedabideetan: TVE, Moviestar, Cadena SER, La Verdad, Jot Down, Naukas eta Principia.

2016an, nire bigarren liburua argitaratu nuen, VAMOS A COMPRAR MENTIRAS. Alimentos y cosméticos desmontados a la luz de la ciencia; eta dagoeneko zazpigarren edizioan doa.

2016an ere, “Reacciones cotidianas. La química de nuestros días” argitaratu nuen, El País-ek aterata.

2017tik hona, Kultura Zientifikoko koordinatzailea naiz Murtziako Unibertsitatean.

Zure iritzia hemen:

Izena eman!!

Ondoko ekitaldietan izena eman behar da:

Ostalaritzari zuzendutako prestakuntza saioak

1.- Gaur egungo egoeraren aurrean sentsibilizazio eta aukera berritzaileak sortzea / Izena emateko epea uztailaren 2an, osteguna, bukatuko da 13:00etan. Interesatuek 608 710764 telefono zenbakira deitu

2.- Sare sozialak kudeatzeko ikastaroa / Laster zabalduko da izenematea.

Aparteko tailerrak:

1.- ‘Lorategien taupada berdeak’ tailerra / ztailaren 17an (arratsaldez) eta 18an (goizez)  – Eman izena laboratorium.eus webgunean.

 

Wolfram Encounter ( hau beste formulario honetatik egin behar da >> izena eman)

 

uztaila, 2020

No Events

abuztua

No Events

Asteko elkarrizketa

Social

X