Asteazkena, abendua 1, 2021
Euskarazko  munduak  gogoeta  egiteko  beharra  adimen  artifizialaren  garaian

ZTB jardunaldien baitan mahaia-inguru interesgarria izan da gaur herriko Seminaxoan. Joxan Amundarain (GFA), Josune Zabala (Eusko Jaurlaritza eta Josu Aztiria (Elhuyar) izan dira mahaikideak euskara adimen artifizialaren garaian gaia jorratu dute.

Katalunian indarrean duten adimen artifizialaren estrategia nazionala, AINA izenekoa, aztertu dute, hizkuntzaren inguruko erronkak planteatzen dituena, META proiektuaren bidez. Azaldu dutenez, kataluniarrek ahots teknologiei ematen diote garrantzia eta hizkuntza eskubideei, eta oso kontuan dute, itzultzaile neuronala esaterako.

Nabarmendu dute gazteen aisialdian eta lan munduan produkzioan eta zaintzan teknologiaren presentzia areagotzen ari dela eta hori arriskua baino aukera gisa ikusi behar dela.

Ingurune digitalaren estrategia garatzeko balizko urratsak markatu dituzte:

1.-Euskarazko edukiak sortzeko sustapena

2.-Sortzen dena bideratzeko aplikazioetan inbertitu

3.- Egiten den horren guztiaren antolakuntza eta ikustaraztea landu

4.-Kudeaketaren ezagutza: zenbat kontsumitzen da euskaraz, zein irudi dagoen, datuak jaso eta irakurketak egin

Eta teoriaz gaindi, hainbat ildo zehatz ere azaldu dute: wikipedia elikatu, kultur sorkuntza edukiak sustatu, hezkuntzapedia zaindu, euskal komunikabideei edukiak sortzeko laguntzak bultzatu, ikusgarritasuna lortzeko euskaraz konfiguratu telefono mugikorrak eta ordenagailuak.

Mahai-inguru interesgarria guztiok gogoeta egiteko.

Haurrak esperimentatzen eta gozatzen

Mahai-inguruaz gain, LH3ko eta LH4ko ikasleak izan dira gaur goizean Laboratoriumen. “Zientziaren sukaldea. Kimikako esperimentuak” tailerra izan dute eta ikasleak gozatu dutela begi bistakoa izan da. Saioaren hasieran lau esperimentu ikusi ahal dituzte… limoiak hartuta eta ozpinarekin nahastuta aparra nola atera den ikusi ahal izan dute, ura erreflexuekin nahasterakoan ikuspegiak nola aldatzen diren ere frogatu dute. Harridura eta jakinmina nagusi.

Ostean umeak izan dira protagonista. Gaur egun gaztetxoen artean modan dagoen slime-ak egin dituzte: ozpinarekin, kolarekin, nahastu egin dituzte, eskuak erabilita egin du norberak bere esperimentua. Ordubeteko hiru saioetan esperimentatzen eta gozatzen aritu dira ikasle taldeak.

Izena eman!!

Aforoa dela eta, ekitaldi guztietan parte hartzeko izena ematea gomendatzen da: 943 76 90 03 telefonora deituta edo laboratorium@bergara.eus e-postara idatzita.
Dena dela, gogoratu Seminarixoko ekitaldi guztiak on line jarraitu ahal izango direla

Nola parte hartu maratoian

Ekimenaren helburua da ahalik eta euskarazko ahots gehien grabatzea makinei erakusteko nola hitz egiten duten pertsonek eta euskarazko ahots bidezko aginduak uler ditzaten.

Partehartze-denbora: 15 minutu inguru.

  • DATA: 2021eko azaroaren 13an
  • ORDUA: 10:00-14:00
  • TOKIA: Aroztegi aretoa.

Bete mesedez hurrengo formularioa >>

abendua, 2021

No Events

urtarrila

No Events

Zure iritzia hemen:

Social

X