Larunbata, abendua 15, 2018
Nola  atera  balioa  enpresa  industrial  batek  eskuragarri  dituen  datu-kopuru  gero  eta  handiagoetatik,  era  praktikoan.

NORK: Ines Pascual Iglesias, Mondragon Unibertsitateko Ingeniaritza Fakultateko irakaslea

NOIZ: 2018ko azaroaren 5a

ORDUA: 11:00

NON: ZABALA Jatetxea

HIZKUNTZA: Gaztelaniaz

PUBLIKOA: Edozein sektoretako profesionalak (gerenteak, zuzendari finantzarioak, administrariak…), baldin eta interesa badute negozio-datuen gainean erabaki eraginkorrak neurtu, monitorizatu eta hartzeko, eta horrela prozesuen errendimendua hobetu, txosten aurreratuak eta aginte-koadroak diseinatuz eta garatuz.

BARNETEGI TEKNOLOGIKOA

Nola atera balioa enpresa industrial batek eskuragarri dituen datu-kopuru gero eta handiagoetatik, era praktikoan.

Aro digital honetan, datu-iturriak biderkatu egin dira, baita datuen kopurua eta izaera ere enpresetan. Itzelezko hazkundea izan dutenez, eta haietatik balioa lortzeko kontsultatzeko moduak daudenez, datuok prozesatzea eta aztertzea ezinbestekoa bihurtu da enpresen lehiakortasuna areagotzeko orduan. Gero eta gehiago entzuten ari dira enpresetan honelako moduko kontzeptuak: datu-azterketa, machine learning, big data edo business intelligence. Jardunaldi honetan azalduko digute zer dagoen horietako kontzeptu bakoitzaren atzean, enpresetako adibide errealak jarrita, eta bukatzeko tailer praktiko motz bat egingo dugu, erreminta zehatz bati buruz lanketa eginez.

Gaur egun, datu horiek ezinbestez aztertu eta ulertu behar dira. Datuak informazio bihurtu behar ditugu, eta gero informazio hori ezagutza bihurtu; eta ezagutza horrekin optimizatu ahal izango dugu erakundean erabakiak eraginkortasunez eta asertibitatez hartzeko prozesua.

Batzuetan, datuak aztertzeko tresnak konplexuak dira, edo kostu handikoak, eta kanpoko laguntza teknikoa behar izaten da. Guk behar dugu autokontsumoko tresnak edukitzea, datu-azterketak automatizatu ditzaketen tresnak; datu egituratuak edo desegituratuak izan (barnekoak edo kanpokoak), datu-iturri askotarikoak batu, araztu, eraldatu eta informazio bihurtuko dituzten tresnak; eta informazio egitaratua lortu, enpresan zuzenean ustiatzeko edo, bestela, informazio hori aztertu, eraldatu eta enpresarako ezagutza bihurtzeko.

Negozio-adimena –Business Intelligence– faktore estrategikoa da enpresa batean, lehiakortasun-abantailak sortu ditzakeelako, informazio pribilegiatua ematen baitu ohiko arazoen aurrean erantzuteko: kontrol finantzarioa, kostuen optimizazioa, bezeroen eta hornitzaileen azterketa, produktuen edo makinen errentagarritasuna, akatsen kudeaketa, nazioarteko ikuspegia…

Helburua

Enpresa baten datuak aztertzea, datuak bistaratzeko tresna bat erabilita (Power BI), eta txosten grafiko aurreratuen lanketa automatizatzea, eta horiekin arriskuak antzeman, datuak segmentatu, aginte-koadroak era errazean diseinatu, informazioa erakundeko gailu ezberdinetan argitaratu eta partekatu.

Norentzat

Edozein sektoretako profesionalak (gerenteak, zuzendari finantzarioak, administrariak…), baldin eta interesa badute negozio-datuen gainean erabaki eraginkorrak neurtu, monitorizatu eta hartzeko, eta horrela prozesuen errendimendua hobetu, txosten aurreratuak eta aginte-koadroak diseinatuz eta garatuz.

Egitaraua

Datuak aztertzeko teknikak

  1. Datu kualitatiboak eta kuantitatiboak
  2. Azterketa-motak
  3. Mota ezberdinetako proiektuen adibideak

Datuak bistaratzea Power BI tresnarekin

  1. Datuen eredu oso bat garatu
  2. Datuen jatorriak
  3. ETL – Datuak eraldatu
  4. Ereduan erlazioak txertatu
  5. Dashboard bat diseinatu

Zure iritzia hemen:

Izena eman!!

Ondoko ekitaldietan izena eman behar da:

  • Urriak 22-24  Hitzaldia Vicky Valdivieso
  • Azaroak 5 Barnetegi Teknologikoa Ines Pascual
  • Urriak 22-26 Hezkuntza eskaintza tailerra “Nanoteknologia tailerra”
  • Urriak 29, 31 azaroak 5,6,7 Hezkuntza eskaintza erakusketa “Tramankulu mekanikoen erakusketa”
  • Wolfram Encounter Azaroak 10 eta 11 ( hau beste formulario honetatik egin behar da >> izena eman)

>> Izena eman nahi dut

abendua, 2018

No Events

urtarrila

No Events

Social

X