aurkezpena - ZTB - Zientzia Teknologia Berrikuntza Bergara http://ztbergara.eus ZTB jardunaldiak Thu, 10 Nov 2022 10:56:03 +0000 eu hourly 1 https://wordpress.org/?v=6.0.12 http://ztbergara.eus/wp-content/uploads/2025/08/cropped-ztb-logotipoa-32x32.jpg aurkezpena - ZTB - Zientzia Teknologia Berrikuntza Bergara http://ztbergara.eus 32 32 Azaroaren 2tik 13ra egingo dira ZTB jardunaldiak http://ztbergara.eus/azaroaren-2tik-13ra-egingo-dira-ztb-jardunaldiak/ Fri, 21 Oct 2022 09:50:07 +0000 https://ztbergara.eus/?p=7091 2022. urteko ZTB jardunaldien aurkezpena egin dute Bergarako Udalarekin eta Laboratorium Museoarekin batera jarduerak antolatu dituzten eragileek. Aurtengoak bereziak dira, urte osoan zehar ere ZTB markapean jarduerak egiten ari baitira. Ohiko jardunaldiak azaroaren 2tik 13ra egingo dira, zortzigarren edizioa izango da aurtengoa. Seminarixoan egin den ‘Makinek euskaraz hitz egiten badakite? Eta Bergarakua ulertzen dabe?’ hitzaldiaren

The post Azaroaren 2tik 13ra egingo dira ZTB jardunaldiak first appeared on ZTB - Zientzia Teknologia Berrikuntza Bergara.

]]> Azalpena2022. urteko ZTB jardunaldien aurkezpena egin dute Bergarako Udalarekin eta Laboratorium Museoarekin batera jarduerak antolatu dituzten eragileek. Aurtengoak bereziak dira, urte osoan zehar ere ZTB markapean jarduerak egiten ari baitira. Ohiko jardunaldiak azaroaren 2tik 13ra egingo dira, zortzigarren edizioa izango da aurtengoa. Seminarixoan egin den ‘Makinek euskaraz hitz egiten badakite? Eta Bergarakua ulertzen dabe?’ hitzaldiaren sarrera baliatu dute jardunaldien aurkezpena egiteko Gorka Artola Alkateak eta Rosa Errazkin Laboratorium Museoaren arduradunak. Gaurko hitzaldia Elhuyar Fundazioko Hizketa Teknologien arloko arduradun Igor Leturia Azkaratek eta Goienako zuzendari nagusi Iban Arantzabal Arrietak aurkeztu dute.

Jarduerak urte osora zabaldu izanaren arrazoia azaldu du Alkateak: “gure etorkizuna zientzia, teknologia eta berrikuntzari lotuta egongo denaren zalantzarik ez daukagu, eta horregatik, bultzada eta indartze berezia eman nahi diogu kultura zientifikoaren dibulgazioari, eta ildo horretan Laboratoriumek egiten duen lana indartu.

Eskerrak emateko ere baliatu du hitzartzea, esan duenez, “eragile eta norbanako askoren izugarrizko lana baitago atzean. Eta baita egiten den proposamenari erantzuten diozuen pertsona guztiei ere, izan ere, alferrikakoa litzateke proposamenak egitea eta harrerarik ez izatea. Eta oso harrera ona izaten dute jarduera hauek, bai norbanakoen aldetik, baita zientziari lotutako profesionalen artean, eta zer esanik ez, hezkuntzaren arloan”.

Asko eta askotariko jarduerak proposatzen dira, Laboratoriumeko arduradunak azaldu duenez, “zientziaren eta berrikuntzaren bueltan beti, baina interes desberdinak dituzten pertsonentzat”. Egitaraua ikusgai dago ZTBERGARA.EUS WEBGUNEAN, eta batzuk nabarmendu ditu.

Hasteko, jarduera zehatz bat ez, multzo bat aipatu du: Hezkuntza eskaintza. Urtez urte gero eta arrakasta handiagoa duen eskaintza da. “Aurtengorako eskaintza handia zelakoan geunden, baina gehiago zabaltzea aztertzen ari gara, jaso dugun eskaera handiari erantzuteko asmoz, uste baitugu gaztetatik kultura zientifikoa barneratzea ezinbestekoa dela”. Eta horregatik  Ikastetxeei eskerrak eman dizkie.

Eta zehazki jarduera batzuk ere aipatu ditu. Esaterako, azaroaren 2an, Seminarixoan bertan, LAZPIUR enpresako zuzendari exekutiboa den Ander Aranbururen ‘Elektromobilitatea automozioan’ hitzaldia. Horrekin abiatuko dira jardunaldiak

Bi erakusketa jarriko dira, horietako bat jardunaldien daten barruan, azaroaren 3an Laboratoriumen zabalduko den “Hondakin jasangarriak: Fikzioa ala errealitatea?”

WOLFRAM ENCOUNTERRA ere egingo da aurten, Wolfram 2022 LOL Txapelketarekin. Azaroaren 5ean, Zabalotegi Aretoan, egun osoan zehar.

Bigarren urtez, bailarako gazte ikertzaileei ere lekua egingo zaie, hitzaldi-sorta batekin. Azaroaren 10ean izango da, Seminarixoan.

The post Azaroaren 2tik 13ra egingo dira ZTB jardunaldiak first appeared on ZTB - Zientzia Teknologia Berrikuntza Bergara.

]]>