Asteazkena, abendua 1, 2021
Teknologia  berrien  tailerraren  txanda  izan  da  gaur

DBH1 eta DBH2ko gaztetxoek: Miguel Altuna Institutuan izan dira teknologien berrian ezagutzan sakontzeko eta praktikak egiteko.

Talde desberdinetan banatuta hainbat ekimen jorratu dituzte. Errealitate birtualaren gelan sute batean nola jokatu behar duten azaldu diete, eta gaztetxoek errealitate birtualaren bitartez sua amatatzeko nola jokatu behar duten ikasi dute. 3D inprimatzeko urratsak ere ezagutu dituzte eta robot kolaboratibo bati aginduak emateko programazioen berri ere izan, dute, besteak beste.

Bestalde, Egoitz Etxebeste Adurizek idatzitako “Zientziaren izarrak. Emakumeak, itzaletik argira” liburua aurkeztu dute jardunaldietan. Emakume zientzialari eta zientziarekin zerikusia duten emakume aitzindari eta borrokalariei ahotsa eman die, Elhuyarren eskutik argitaratutako liburuak.

Emakume horien lekukotzak agerian uzten du zenbatetan gutxietsi zuten haien lana, eta zenbat arazori egin behar izan zioten aurre. Manu Ortega ilustratzailearen marrazkiez jantzita dator liburua.

Bihar Gilda filmaren emanaldia euskaraz

Biharko programazioari dagokionez, Ricardo Huesok “Perseverance Marte planetan. Lurretik haratagoko bizitzaren bila”. Eta 19:30etan Seminarixoan “Gilda” filma euskaraz proiektatuko da.
Film ikonikoa da. Zinemaren historiako maitasun-triangelu ospetsuenetako baten kontakizuna. Zientzia ardatz duen ziklo batean zinta bat sartzeak atentzioa eman dezake, baina ziur aski ez gara oso ondo gogoratzen zer egiten zuen Gildaren senarrak bizimodua ateratzeko. Alemaniar bat zen, Argentinan kokatua, wolframiorekin trafikatzen duena, edo tungstenoa, ezagutzen den bezala. Historia horren muina II. Mundu Gerra da, material estrategiko hori eskari handi baten xede zenean; izan ere, Alemania naziak harreman estuak ezarri zituen Espainia frankistarekin, bere wolframio baliabideak aprobetxatzeko. Filma 1946an filmatu zen, eta istorioa oso berria da oraindik, eta gaur egun ere estrategikoa den taula periodikoko elementu horri buruz hitz egiteko aukera ematen digu.

Izena eman!!

Aforoa dela eta, ekitaldi guztietan parte hartzeko izena ematea gomendatzen da: 943 76 90 03 telefonora deituta edo laboratorium@bergara.eus e-postara idatzita.
Dena dela, gogoratu Seminarixoko ekitaldi guztiak on line jarraitu ahal izango direla

Nola parte hartu maratoian

Ekimenaren helburua da ahalik eta euskarazko ahots gehien grabatzea makinei erakusteko nola hitz egiten duten pertsonek eta euskarazko ahots bidezko aginduak uler ditzaten.

Partehartze-denbora: 15 minutu inguru.

  • DATA: 2021eko azaroaren 13an
  • ORDUA: 10:00-14:00
  • TOKIA: Aroztegi aretoa.

Bete mesedez hurrengo formularioa >>

abendua, 2021

No Events

urtarrila

No Events

Zure iritzia hemen:

Social

X