Asmazioak ezagutzera ematea

Bergarako herritar batzuek eskalan egin dituzten gailuak ezagutzera emateko jarduera izango da.

Hainbat tresna eta tramankuluren erreplikak egin dituzte beraien tailerrean Felipe Uriarte eta Joxe Mari Rubio bergararrek; besteak beste, Juanelo Turrianoren asmazioarena. Juanelo Turrianok –erregeren arkitekto, ingeniari eta erlojugileak– XVI. mendean ura igotzeko sistema bat asmatu zuen. Irudi honetan ageri da garai batean Toledo hirian erabiltzen zuten gailua; izan ere, Toledon hirigunea ibaia baino gorago dagoenez, ura etxeetara errazago igotzeko balio zuen igogailua da.

Ikasleek gertutik ikusteko eta ezagutzeko aukera izango dute.