Zientzia Teknologia eta Berrikuntza jardunaldien barruan Miguel Altuna Lanbide Heziketak antolatutako Escape Room Teknologikoak harrera ezinhobea izan du herriko ikastetxe guztietako 10 eta 14 urte bitarteko gaztetxoen artean. Ikasleek ekimena errepikatzea eskatu dute.

Kris Lizarraga adituak emakumeek gorde eta transmititu duten sendabelarren gaineko bigarren saioa eman zuen Irizar jauregian. Oraingoan ere hitzaldiak oso harrera ona izan zuen eta bertaratutakoek, besteak beste, ‘bálsamo de tigre’ egiten ikasi zuten.

Jende dezente hurbildu da gaur, osteguna, Irizar jauregira ZTB jardunaldien barruan Kris Lizarraga adituak egingo dituen bi saioetako lehena entzutera. Mendeetan emakumeek gorde eta zabaldu duten sendabelarrei buruzko ezagutza partekatzen aritu da, Inkisizioak ezabatzea lortu ez zuena. Lizarragaren hurrengo hitzaldia azaroaren 12an izango da.

Susana Perez Gil adituak CO2aren inguruko hitzaldia egin du gaur, asteazkena, Seminarixoan, eta fokoa jarri du publiko gehienak ezagutzen ez ditugun hainbat alderditan. Perez Gil-ek garrantzia handia eman dio hondakinen birziklapenari eta mikroplastikoen kopurua txikitzeari. Baina azaldu ditu, baita ere, modu naturalean zein gizakiak sortzen duen CO2ari probetxua ateratzeko beste modu batzuk.

Elikagaietan aditua den Bittor Rodriguezek hitzaldi interesgarria egin du ZTB jardunaldien baitan. Gaur egungo dieta aztertu du, publizitatearen inguruan dauden mitoak ere gainbegiratu ditu eta jarraibide egokiak eman ditu. Jendeak gustura jarraitu du hitzaldia aurrez aurre zein streaming bidez.

2020ko ZTB jardunaldiei irekiera ofiziala eman zaie Ilustrazio Zientifikoaren erakusketaren inaugurazioarekin

2020ko ZTB jardunaldien abiapuntua Landareen Osasunaren Nazioarteko Urtearekin lotuta dago; hala zegoen aurreikusita. Baina, beste gauza asko bezala, Covid19k guztia irauli du. Hortaz, aurtengo programan uztartuko dira landareen osasunarekin lotutako adar asko, baina baita ere Covid19ri aurre egiteko prestakuntza, besteak beste.

Covid19arekin eta digitalizazioarekin lotuta uztailean merkatariei zuzendutako bi ikastaro eskainiko dira; eta landareekin eta osasunarekin lotutako hainbat tailer eta hitzaldi.

Horrez gain, egoeraren garapenaren arabera, irailetik aurrera ikastetxeekin elkarlan desberdinak gauzatzeko asmoa dago; eta azaroko zientziaren astean ZTBko jarduera nagusienak batuko dira. Izan daitezke presentzial edo modu birtualean; bi aukerak aurreikusten dira.

Hasieran esan bezala Covid19k sortutako egoeran agerian gelditu da herriko merkataritzaren digitalizazio beharra. Horregatik, Bergara Bizi ekimenaren barruan, herriko komertzio eta ostalaritzari zuzendutako prestakuntza saioak antolatu dira.

Formazioak bi arlo landuko ditu:

1. Gaur egungo egoeraren aurrean sentsibilizazio eta aukera berritzaileak sortzea, UNED Bergara zentroko Juan Lararen eskutik. Uztaileko hiru astelehenetan, 14:00etatik 16:00etara, hiru tailer eskainiko dira on line. Eta Udalak baliabideak jarriko ditu: lokala, internet konexioa eta ordenagailuak, behar izanez gero. Kostua: 30 euro.

Izena emateko epea uztailaren 2an, osteguna, bukatuko da 13:00etan. Interesatuek 608 710764 telefono zenbakira deitu beharko dute.

2. Sare sozialak kudeatzeko ikastaroa, autonomia garatu aholkultaritza pertsonalizatuaren bidez, Goienaren eskutik. Laster zabalduko da izenematea.

Elikadurari buruzko hitzaldia

Horrez gain, uztailaren 15ean, ‘Gure elikaduraren sustraiak, Ekialde Hurbileko ehiztari-biltzaile eta lehen nekazarien elikagaiak’ hitzaldia izango da, Amaia Arranz Otaegiren eskutik. NBEk landareen osasunaren urtea izendatu duen 2020 urtean, bereziki lotura daukate abereen eta gure elikadurek. Testuinguru horretan Amaia Arranz Otaegi arkeobotanikoak lehen elikagaien inguruko hitzaldia eskainiko du.

Amaia Arranz oso ezaguna egin zen orain arteko ogi zaharrenaren aztarnak aurkitu zituenean. Amerikako Arkeologia Institutuarentzat (AIA) Arranzen eta bere taldearen aurkikuntza 2018ko hamar aurkikuntzetatik garrantzitsuenetakoa izan zen.

Haurrentzat Ilustrazio botaniko tailerra (6-12 urte)

Uztailaren 3an, ostirala. Errekaldeko lorategian. 10:00-13:00. Doan. Izenematea itxita dago.

Errekalde lorategian 100 zuhaitz baino gehiago daude eta 25 espezie desberdin. Tailer honetan, marrazketaren bidez, neska-mutikoak aberastasun honetaz ohartarazi nahi dira. Eta sortutako emaitzak euren ikerketaren oroigarriak izango dira: postalak eta txapak.

‘Lorategien taupada berdeak’ tailerra

Uztailaren 17an (arratsaldez) eta 18an (goizez) Bergarako lorategiak ezagutzeko tailerra izango da. Biologo batez lagunduta egingo da bisita. 10 urtetik gorako haurrak dituzten familientzat aproposa. Eman izena laboratorium.eus webgunean.

Covid19k sortutako egoeran agerian gelditu da herriko merkataritzaren digitalizazio beharra. Horregatik, Bergara Bizi ekimenaren barruan, herriko komertzio eta ostalaritzari zuzendutako prestakuntza saioak antolatu dira.

Formazioak bi arlo landuko ditu:

1. Gaur egungo egoeraren aurrean sentsibilizazio eta aukera berritzaileak sortzea, UNED Bergara zentroko Juan Lararen eskutik. Uztaileko hiru astelehenetan, 14:00etatik 16:00etara, hiru tailer eskainiko dira on line. Eta Udalak baliabideak jarriko ditu: lokala, internet konexioa eta ordenagailuak, behar izanez gero. Kostua: 30 euro.

Izena emateko epea uztailaren 2an, osteguna, bukatuko da 13:00etan. Interesatuek 608 710764 telefono zenbakira deitu beharko dute.

2. Sare sozialak kudeatzeko ikastaroa, autonomia garatu aholkultaritza pertsonalizatuaren bidez, Goienaren eskutik. Laster zabalduko da izenematea.

button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.