Ilustrazio botanikoa

Bergaran Artea eta Zientzia uztartuz, IV. edizioa

Laboratorium museoak “Bergaran Artea eta Zientzia uztartuz” ilustrazio botanikoko tailerraren 4. edizioa eskaintzen du. Beste edizioetan bezala, tailerraren irakasleak Carles Puche (estudipuche.com) eta Vega Asensio (norarte.es) izango dira. Asteburu osoko tailer honetan 12 ordu izango ditugu landareak beste ikuspuntu batetik begiratzeko, zientzialariaren aldetik hain zuzen ere. Arte Ederretako teknikez baliatuz, ilustrazio zientifikoa jorratzeko oinarrizko kontzeptuak landuko dira, dena giro eta leku apartan. Marraztea eta natura erretratatzea gustuko baduzu ikastaro hau gozatuko duzu. Hurbil zaitez ilustrazio zientifikora!

Izen ematea HEMEN>>

Ekonomia zirkularrari buruzko jardunaldia – uned bergara / impact hub donosti

Jardunaldi honen helburua da bertara datozen pertsonek Ekonomia Zirkularrari buruzko oinarrizko ezagupen batzuk jasotzea. Horretarako, jarduera hau hiru atal nagusitan banatuko da: lehenengo, sarrera bat egingo da; gero, Euskadiko bizpahiru enpresa Ekonomia Zirkularrerako trantsizioa nola egiten ari diren aurkeztuko da; eta azkenik, mahai-ingurua egingo da eta bertan praktika onak garatzen dituzten enpresen adibide gisa aurkeztutako enpresek hartuko dute parte.

 

HIZLARIA: Aitor San Francisco Lasa ingeniari industriala da eta Ekonomia Zirkularreko doktoregaia –formakuntza biak Euskal Herriko Unibertsitatean garatuak (EHU/UPV)–.

Zure datuei etekina ateratzen: Aztertu eta partekatu informazioa denbora errealean Power BI erabiliz

BARNETEGI TEKNOLOGIKOA – MU FORMAKUNTZA IKASTAROA

Bussiness Intelligencek (Big Data/Small Data) eskaintzen dituen onurak aprobetxatzea ezinbestekoa da edozein enpresarentzat. Hainbat iturritako datuen azterketa automatizatu, eraldatu, neurtu eta automatikoki eguneratuko den txosten grafiko eraginkor batean erakutsiko dituen tresna batek erakunde batean erabaki eraginkor eta asertiboak hartzen laguntzen du.

Power BI datu-kopuru handi bat aztertzea eta informazioa partekatzea ahalbidetzen duen negozio-azterketak egiteko aplikazio-sorta bat da. Informazioa denbora errealean eguneratzen da eta erakundeko gailu guztietan dago eskuragarri. Erabiltzaileak datuak modu intuitiboan aztertzen ditu eta horrela erantzunak modu erraz batean lortzen ditu. Datu-baseetako, fitxategietako eta web-zerbitzuetako datuak tresna bisualekin konbinatzen baditugu, mezua modu eraginkorragoan komunikatzea ahalbidetuko digun txosten ikusgarriak sortzen lagunduko digu.

Jardunaldiaren helburua zera izango da: kasu praktikoen bidez zure enpresako eta proiektuetako datuak aztertzea, arriskuak antzemateko txosten grafiko aurreratuak automatikoki egitea, datuak segmentatzea, aginte-panelak modu erraz batean egitea, eta txostenak erakundeko gailuetan argitaratu eta partekatzea.

Lortu ezazu zure negoziorako benetan nahi duzuna, pnl teknikak erabiliz (programazio neurolinguistikoa)

Tailer honetan ikasiko duzu behar dituzun barneko baliabideak eta arima-egoerak (norberarenganako konfiantza, segurtasuna, lasaitasuna, etab.) nola ezagutu eta nola lortu ditzakezun, eta horrek lagundu egingo dizu orokorrean zure bizitzarako eta partikularrean zure negoziorako finkatuta dituzun emaitzak edo helburuak lortzen.

Programazio Neurolinguistikoa (PNL) eredu formal eta dinamiko bat da, gizakien buruak eta pertzepzioak nola funtzionatzen duten azaltzen duena; hau da, buruak nola prozesatzen dituen informazioa eta esperientzia, eta zer nolako inplikazioak dauzka horrek norberaren arrakasta pertsonal eta profesionalean.

PNLk bultzatzen duen komunikazio-eredua da Komunikazio Eraginkorra, Kalitatezkoa. Bezeroekin, kolaboratzaileekin, hornitzaileekin, lankideekin, besteekin nola komunikatu, horren arabera gerturatu edo urrundu egin gaitezke haien beharretatik, haien ideietatik. Gaur egun, komunikazioa gakoetako bat da edozein negozio edo harremanetarako –edozein motatakoa izanda ere–, hura ondo joan dadin.

HIZLARIA: María Victoria Valdivielso Peleteiro

Hazia zentroko zuzendaria (Hazia – Psikologia eta Garapen Pertsonalerako eta Profesionalerako Zentroa). Bilbo

Psikologoa, coach-a PNLrekin, eta master training-a PNLrekin.

Bergarako UNEDeko zentro elkartuko Psikologia Departamentuko koordinatzailea eta irakaslea.

Kontatu gabeko emakumeak Artearen Historian

Tailer honen helburua da Artearen Historian isilpean gelditu diren emakumeak agerraraztea. Lau saio izango dira: lehenengoan, errelato heteropatriarkalak dituen arrakalak estaliko ditugu; izan ere, iraganik ez badugu, ez dugu izango ez orainaldirik ezta etorkizunik ere.

Bigarren saioan, irudia lantzen duten hainbat artista eta talde ezagutuko ditugu; kalean zehar argazki-ekintzak egiten dituzte, eta espazio publikoa erabiltzean beraien lana politizatu egiten dute.

Azken bi saioetan aukeratuko dugu zein artista edo talde agerrarazi edo omendu nahi dugun; horretarako, irudiak bilatuko ditugu eta kale-ekintza artistiko bat egingo dugu.

NORK: 

Silvia Ayerra Muruzabal (San Martin Unx, Nafarroa, 1985) argazkigintza artistikoko eta arte plastikoetako teknikaria da. Formatzaile-lanetan aritzen da, historian zehar emakumea ikus-euskarri ezberdinetan nola irudikatu duten aztertzeko irudi-laborategiak eginez edo kaleko argazki-ekintzak garatuz. Artea –eta bereziki argazkigintza– erakustoki edo aretoetatik atera nahi du eta, horrenbestez, bere obrak espazio publikoan egiten edo jartzen ditu, zuzen-zuzenean edozein pertsona interpelatuz.

Bere lana transfeminismotik ikertu eta egiten du. Artxiboak euskarri gisa dituen aukerak arakatzen ditu, eta hura hackeatzen saiatzen da itsu-itsuan. Zinean arte-laguntzailearen lanak egin ditu honako film hauetan: Soinujolearen semea, Fernando Bernues zuzendariarena; Agur Etxebeste, Telmo Esnal eta Asier Altuna zuzendariena; eta Ventajas de viajar en tren, Aritz Moreno zuzendariarena. Oraindik orain, argazki finkoaren eta artearen zuzendaria izan da Chicas prepago film dokumental laburrean, Isabel Saez Perez zuzendaritzapean. Bere argazki-lanak erakusgai jarri ditu Iruñeko Opera galerian, Euskadiko hainbat ahalduntze-etxetan eta baita talde-erakusketetan ere –esaterako, El Mundo Ivaginario taldearekin, euskal artista feministen kolektiboarekin eta Artesturak Feministak edo Zas Kultur (Gasteiz) taldeekin–.