Bergaran ospatzen ari den ZTB – Zientzia, Teknologia eta Berrikuntza zikloak hitzaldi berri bat eskaini du astelehen goizean Seminarixoan, “Digitalizazioa Euskal Herrian” izenpean Ekitaldian, Goiatz Oiarzabal eta Leire Lison sektore publiko eta pribatuko profesionalek digitalizazioak dakartzan erronkak eta aukera berriak aztertu dituzte.

Ikuspegi filosofikotik abiatuta, digitalizazioari buruzko hausnarketa kritikoa egin dute Lisonek eta Oiarzabalek. 60 urteko ibilbide historiko baten bidez, eraldaketa digitalaren eragin gero eta handiagoa aztertu dute, ordenagailu pertsonaletatik hasi eta Interneteraino, eta aldaketa olatu horiek Euskal Herrira nola iritsi ziren ere aztertu dute. Aurkezpenean zehar, aldaketa horiei euskaratik eta burujabetza digitaletik heltzeko egungo ahaleginak azpimarratu dituzte.

Leire Lisón, duela gutxi “Humanitate Digital Globalak” gradua osatu duena, gaur egun “Filosofia: Zientzia, Gizartea eta Teknologia” masterra egiten ari da Euskal Herriko Unibertsitatean (EHU). 2022tik, Badalabekin elkarlanean aritu da digitalizazioarekin eta gazteekin lotutako proiektuetan. Gradu amaierako lanerako, Euskal Herriko hainbat hezkuntza erakunderekin kolaboratu zuen “Digitalizazioari buruzko gazteen irudikapen sozialak: Euskal Herriko ikasleen kasua. ”

Bestalde, Goiatz Oiartzabal Lakarra (Pasai Antxo, Gipuzkoa, 1983) Badalab hizkuntza berrikuntzarako laborategiko zuzendaria da gaur egun. Prestakuntzako ingeniariak bere ibilbide profesionalaren zati handi bat berrikuntzari eskaini dio Fagor Arrasaten, industriaren eta kooperatiben esparruan. 2018tik, Badalab garatzen lagundu du, Mondragon Unibertsitatean irakasle gisa eta Debagoiena 2030 Garapen Iraunkorreko sareko prozesuen arduradun gisa lan egiten zuen bitartean. 2021eko abenduan, laborategiko zuzendari kargua hartu zuen.